తునికి నల్ల పోచమ్మ తల్లిని దర్శించుకొని ప్రత్యేక పూజలు చేసిన ఆవుల రాజిరెడ్డి

ప్రజా సింగిడి ప్రతినిధి కౌడిపల్లి. మర్చి, 19.

మెదక్ జిల్లా నర్సాపూర్ నియోజకవర్గంలోని కౌడిపల్లి మండలం తునికీ గ్రామంలో శ్రీ నల్ల పోచమ్మ తల్లి జాతర మహోత్సవాలు వైభవంగా నిర్వహించబడ్డాయి. ఈ సందర్భంగా తెలంగాణ ప్రదేశ్ కాంగ్రెస్ కమిటీ (టీపీసీసీ) ప్రధాన కార్యదర్శి, నర్సాపూర్ నియోజకవర్గ ఇంచార్జ్ ఆవుల రాజిరెడ్డి ప్రత్యేక పూజల్లో పాల్గొన్నారు.జాతర ఉత్సవాల్లో భాగంగా, ఆలయ కమిటీ ఆధ్వర్యంలో అమ్మవారికి పంచామృత అభిషేకం, అష్టోత్తర నామావళి పూజలు నిర్వహించబడ్డాయి. పట్టు వస్త్రాలు, పుష్పాలంకరణలతో అమ్మవారిని శోభాయమానంగా అలంకరించి, మహా హారతి సమర్పించారు. భక్తులు పెద్ద సంఖ్యలో హాజరై అమ్మవారిని దర్శించుకుని తమ మొక్కులు చెల్లించుకున్నారు. ఈ సందర్భంగా ఆవుల రాజిరెడ్డి  మాట్లాడుతూ, గ్రామీణ ప్రాంత దేవాలయాలు ప్రజల భక్తి శ్రద్ధలకు కేంద్ర బిందువులుగా ఉండే సంగతిని ప్రస్తావించారు. ప్రభుత్వం ద్వారా ఆలయ అభివృద్ధికి సహాయపడేలా కృషి చేస్తానని ఆయన భక్తులకు హామీ ఇచ్చారు.జాతరలో భాగంగా సాంస్కృతిక కార్యక్రమాలు, బండ్ల ఆటలు, ప్రత్యేక హారతులు నిర్వహించబడ్డాయి. ఈ కార్యక్రమంలో స్థానిక ప్రజాప్రతినిధులు, కాంగ్రెస్ పార్టీ నాయకులు, భక్తులు, గ్రామ పెద్దలు పెద్ద సంఖ్యలో పాల్గొన్నారు.

Please follow and like us: