ప్రభుత్వ కార్యాలయంలో BIRTHDAY PARTY… డ్యూటీ వేళల్లో వినోదం…*

*ప్రభుత్వ కార్యాలయంలో BIRTHDAY PARTY… డ్యూటీ వేళల్లో వినోదం…*

◆ డ్యూటీ టైమ్‌లో బర్త్‌డే వేడుకలు.

 ◆ప్రభుత్వ సేవా నిబంధనలకు విరుద్ధమైన చర్య.

◆ ఉన్నతాధికారుల నుంచి క్రమశిక్షణా చర్యలు ఏమిటనేవి వేచిచూడాలి

ప్రజా సింగిడి, సెప్టెంబర్ 04:

ప్రభుత్వ ఉద్యోగులు విధుల్లో ఉన్నప్పుడు పూర్తి సమయాన్ని ప్రజల సేవకు కేటాయించాలి. కానీ, ఒక ప్రభుత్వ కార్యాలయంలో సూపరింటెండెంట్ తన పుట్టినరోజు వేడుకలను డ్యూటీ వేళల్లో ఘనంగా జరుపుకోవడం ఇప్పుడు చర్చనీయాంశంగా మారింది. మధ్యాహ్నం 1 గంట నుంచి సాయంత్రం 4 గంటల వరకు ప్రభుత్వ కార్యాలయంలోనే ఈ పార్టీ జరిగినట్టు సమాచారం.

నిబంధనల ఉల్లంఘనపై కఠిన చర్యలు

ప్రభుత్వ ఉద్యోగులకు వర్తించే కొన్ని సర్వీస్ రూల్, చట్టాల ప్రకారం ఉద్యోగులు ఎల్లప్పుడూ నిజాయితీ, అంకితభావంతో వ్యవహరించాలి. విధుల్లో ఉన్నప్పుడు వ్యక్తిగత వేడుకలు జరుపుకోవడం ఈ నిబంధనలను ఉల్లంఘించడమేనని న్యాయ నిపుణులు స్పష్టం చేస్తున్నారు. ఈ ఘటనపై ఉన్నతాధికారులు సీరియస్‌గా స్పందించే అవకాశం ఉందని తెలుస్తోంది.

ఈ సంఘటనకు సంబంధించి మెమోవంటి తేలికపాటి చర్యల నుంచి క్రమశిక్షణాత్మక చర్యల వరకు తీసుకునే వీలుందని ప్రభుత్వ వర్గాలు చెబుతున్నాయి. ప్రజల కోసం కేటాయించబడిన సమయాన్ని వ్యక్తిగత వినోదాలకు వాడటం సరైనది కాదని ఈ ఘటన మరోసారి గుర్తు చేస్తోంది.

Please follow and like us: